Самыя моцныя веды - гэта веды, атрыманыя ў дзяцінстве. Калі навучыць дзяцей з малых гадоў правілам пажарнай бяспекі - пасталеўшы, яны будуць вельмі акуратна ставіцца да бяспекі. Дзеці дашкольнага ўзросту адрозніваюцца цікаўнасцю. Менавіта таму галоўная задача дарослых – абараніць нашых дзяцей, расказаць сёння як мага больш пра бяспеку. З мэтай папярэджання траўматызму і дзіцячага свавольства з агнём да нашых выхаванцаў прыйшоў у госці супрацоўнік Бабруйскага РАНС Аляксей Алегавіч Горнаш. Эмацыйна і ў даступнай форме ён расказаў дзецям пра агонь: дзе «жыве», добры ён ці злы. І што можа нарабіць агонь, калі ён раззлуецца. Разам з хлопцамі прыгадалі нумары экстранных службаў, а таксама разабралі сітуацыі, па якіх да іх можна звяртацца. Па заканчэнні сустрэчы нашы маленькія ўсезнайкі атрымалі магчымасць прымерыць сапраўдныя ахоўныя шлем і пальчаткі пажарнага і адчуць сябе на некалькі хвілін адважнымі пажарнікамі. Спадзяемся, што такая сустрэча надоўга запомніцца хлопцам, і яны будуць выконваць правілы пажарнай бяспекі, ды яшчэ раскажуць сваім бацькам і сябрам.